Gradient cheotermico

O gradient cheotermico ye a variación de temperatura que se produce en o material rocoso d'un planeta cuan se baixa dende a superficie ta o centro por un rayo d'a suya esfera.

S'espresa en unidaz de temperatura de diferencia entre unidaz de largaria trescurzata pa obtener-las. Por eixemplo un gradient cheotermico de 0,03 °C/m indica que cada metro de baixata suposa que a temperatura puya 0,03 °C.

O gradient cheotermico mos da una ideya d'a variación d'a calor interna d'a Tierra.

O gradient cheotermico no tien una valura costant, pus depende d'as caracteristicas fisicas que tienga o material en cada punto de l'interior d'o planeta, ye dicir, d'as condicions cheolochicas locals como por eixemplo:

• A relación presión/temperatura.
• A composición quimica.
• As reaccions que se produgan.
• A existencia de material radiactivo
• A presencia de movimientos convectivos y rozamientos.

En a crosta terrestre o gradient cheotermico meyo ye de 30 °C/km, ye dicir que a temperatura puya 1 °C cada 30 metros que se baixen. As valuras normals se troban entre 10 y 60 °C/km pero s'han plegato a mesurar gradients de 200 °C/km.

Se puet espleitar o gradient cheotermico como fuent d'enerchía cheotermica, y ye una d'as posibles solucions que s'han planteyato pa evitar una crisi enerchetica futura.